Retreat 2021

Endurnærandi ferð til Guatemala

 

ATH: Ferðinni til Guatemala 2021 hefur verið frestað um ár sökum almennrar óvissu vegna Covid-19.
Komdu með í endurnærandi ferð til Guatemala í náttúruparadís við Atitlan-vatnið

Gefðu þér gjöf og farðu á vit ævintýranna með góðum hópi fólks. Aðaláhersla ferðarinnar er líkamleg og andleg hreinsun þar sem hið hjartaopnandi hreina kakó spilar stóran sess. Dagskráin innifelur kakóathafnir, tónheilun, hugleiðslu, mjúkt yoga sem hentar byrjendum sem lengra komnum, yoga nidra, djúpöndunaræfingar, Mayan eldathöfn, áhugaverða tíma með gestakennurum og rými til sjálfsvinnu, hvíldar og uppgötvunar.

Gist verður í hinu fallega og umhverfisvæna Lomas de Tzununa sem stendur á hæð með mögnuðu útsýni yfir Atitlan-vatnið og eldfjöllin sem umlykja það. Þar verður dekrað við líkama og sál en Lomas státar af sundlaug, temazcal eða sauna að hætti mið-Ameríkubúa, fyrsta flokks eldhúsi þar sem heilnæmar grænmetimáltíðir verða útbúnar, fallegri aðstöðu þar sem hægt er að panta tíma í nudd og heilun og einkabryggju við vatnið þar sem hægt er að synda. Sagt er að þegar maður hafi einu sinni synt í Atitlan-vatninu muni maður koma aftur og aftur á þennan magnaða stað.

Fjölmargir smábæir eru við Atitlan-vatnið með litríku mannlífi, fallegum textíl og mið-Amerískum sveitasjarma og nokkrir þeirra verða heimsótt. Undanfarna áratugi hafa safnast saman við vatnið andlega þenkjandi einstaklingar alls staðar að sem hefur gert það að spennandi áfangastað fyrir fólk sem hefur áhuga á að rækta líkama og sál. Allt um kring er svo mögnuð og ólýsanleg náttúrufegurð.

Ferðina leiðir Kamilla Ingibergsdóttir yogakennari, yoga nidra kennari og tónheilari. Kamilla hefur stundað yoga og hugleiðslu um árabil og tengdist kakóinu og Guatemala árið 2016 og hefur síðan margoft heimsótt landið og undafarin þrjú ár skipulagt hópferðir þangað. Hún hefur notað kakóið til að efla andlega og líkamlega heilsu, dýpka tengingu inn á við, hugleiðslu og yogaiðkun en það hefur reynst henni dásamlegur hjálpari í gegnum ýmis verkefni í lífinu. Kamillu til halds og trausts verður Guðbjörg R. Jóhannesdóttir, heimspekingur, en Guðbjörg hefur undanfarin ár lagt stund á og kennt Fókusing, ferli sem veitir beinan aðgang að þekkingu líkamans og eflir þannig innsæi og sjálfsþekkingu.

Í síðustu ferðir komust færri að en vildu en þetta hafði Elsa María Blöndal að segja: "Ég rakst á auglýsinguna um kakóferð með Kamillu til Guatemala á háréttum tímapunkti í lífi mínu. Ég hafði ekki hugmynd um hvað bjó í þessum galdradrykk, hinu hreina kakói og það má með sanni segja að þarna hafi forvitnin leitt mig á réttar slóðir! Þvílíkur lúxus að fá að verja tveimur vikum í hreina sjálfsskoðun, stunda jóga við sólarupprás í algjörlega kyngimögnuðu umhverfi og fá að kynnast menningu Maya Indíána ómengaðri. Ég get ekki mögulega mælt meira með þessu ferðalagi. Á hvaða stað sem þú kannt að vera á í lífinu, þá kemur Kamilla til með að halda þétt utan um þig, leiða þig á nýjar slóðir og opna leiðir í andlegri vegferð sem þú vissir ekki að væru mögulegar. Og hún gerir það af skilningi, umhyggju og hlýlegri festu. Orðið sem er mér efst í huga eftir ferðina mina til Guatemala með tuttugu og tveimur stórkostlegum einstaklingum er án efa þakklæti. Það er gjöf sem vert er að gefa sjálfum sér."

Tvær ferðir eru í boði, 11 nátta ferð 16.-27. janúar og 9 nátta ferð frá 2.-11. febrúar. 

Innifalið er:

  • Gisting í Lomas de Tzununa 
  • Grænmetisfæði – þrjár máltíðir á dag 
  • Kakóhugleiðslur og kakóathafnir 
  • Yoga og yoga nidra 
  • Hugleiðsla
  • Öndunaræfingaprógramm
  • Hópavinna, ráðgjöf og ýmis sjálfsvinna 
  • Dagsferð með bát til San Juan á ýmsa markaði 
  • Mayan temazcal/saunabað

Ekki innfalið:

  • Flug
  • Gisting á leið til Guatemala (mælt er með að gista eina nótt í USA á leið út og eina á leið heim)
  • Ferðir til og frá flugvelli

    VERÐ
    11 nátta ferð - 16.-27. janúar 2021

    • 270.000 krónur á mann miðað við tvo í sérbýli með tveimur rúmum, baðherbergi með sturtu og rúmgóðum svölum með útsýni yfir vatnið.
    • 240.000 krónur á mann miðað við þrjá í sérbýli með tvíbreiðu rúmi og koju, baðherbergi með sturtu og rúmgóðum svölum með útsýni yfir vatnið. 

     

    9 nátta ferð - 2.-11. febrúar 2021

    • 230.000 krónur á mann miðað við tvo í sérbýli með tveimur rúmum, baðherbergi með sturtu og rúmgóðum svölum með útsýni yfir vatnið.
    • 200.000 krónur á mann miðað við þrjá í sérbýli með tvíbreiðu rúmi og koju, baðherbergi með sturtu og rúmgóðum svölum með útsýni yfir vatnið. 

    Mælt er með að gista í Bandaríkjunum á útleið og heimleið til að auðvelda ferðalagið. Skipuleggjendur veita ráðgjöf um bestu flugleiðirnar og geta séð um að bóka flug gegn vægu gjaldi. Skipuleggjendur sjá um að bóka bílferðir frá flugvellinum í Guatemala City til Lomas de Tzununa, bæði við komu og brottför. Allar nánari upplýsingar veitir Kamilla en hægt er að hafa samband á kamilla@kako.is. Athygli er vakin á að ferðin er áfengis- og vímuefnalaus. 


    Við bókun greiðist 50.000 króna óendurgreiðanlegt staðfestingargjald. Þann 1. nóvember skal fullgreiða ferðina og sé ferð fullgreidd fyrir 1. ágúst býðst 15.000 króna afsláttur. Hægt er að dreifa greiðslum í samráði við skipuleggjendur. 

    Komdu með í paradís ♥


    Umsagnir frá gestum: 

    “Ég hefði aldrei getað ímyndað mér áhrifin sem ferð mín með Kamillu til Guatemala myndi hafa á líf mitt. Eftir að hafa gengið í gegnum miklar breytingar undanfarin ár var þessi ferð lífsbreytandi og bætandi fyrir mig og kom á hárréttum tíma í líf mitt! Dvölin var ólýsanleg, frábær dagskrá í mögnuðu umhverfi Atitlan-vatnsins á dásamlega Lomas de Tzununa. Kamilla leiddi hópinn í andlegt ferðalag og notaði m.a. til þess hjartaopnandi kakóið sem þrátt fyrir bragð sem ég á enn eftir að venjast hefur einhver ólýsanleg jákvæð áhrif á mig! Morgunjóga, hugleiðslur, kakóseremóníur, möntrur, tónheilun, fasta og þögn. Ég lærði upp á nýtt að slaka á, staldra við og sleppa tökum, að fyrirgefa sjálfri mér, að hætta að dæma sjálfa mig, að vera þakklát og að ég á allt gott skilið. Ég upplifði frelsi og endalausan kærleik. Kamilla gaf mér veganesti sem ég verð endalaust þakklát fyrir!”
    Sóley Halldórsdóttir

    "Þetta var með betri ferðum sem ég hef farið í. Svo afslappað, gott, fróðlegt, gaman og hollt og ég er enn svo glöð og þakklát fyrir hana. Frábært skipulag og dásamlegt prógram. Fjölbreytt dagskrá, hæfilega þétt en þó sveigjanleiki. Agi en samt frjálslegt. Allar seremóníur yndislegar og jógað guðdómlegt. Morgunjóga uppi í fjallinu með útsýnið þarna yfir vatnið og eldfjöllin var himnaríki líkast og ég á erfitt með að ímynda mér að hægt sé að toppa það. 
    Geggjaður matur og yndislegt fólk. Eftir ferðina hefur mér liðið mun betur en áður, þökk sé endurnærandi hvíld og ró, verkefnum og góðri tilbreytingu. Maður kann að meta betur það sem maður hefur en á sama tíma þráir maður að komast sem fyrst aftur í þessa dásemd."  
    Ragna Sæmundsdóttir

    HAFA SAMBAND

    Ýttu á myndina hér fyrir neðan til að skoða myndir frá fyrri ferðum.